Бид тууштай бясалгалын ачаар сөрөг хүчнээс хамгаалагддаг бөгөөд Бурхан бидний бүх эрхэм залбиралд үргэлж хариу өгдөг.

Одоо Хятад улсаас Вэнь-Лигийн илгээсэн сэтгэгдлийг хүргэе:

Сайн байцгаана уу, Хүндэт, Хамгаас Хайртай Их Багш болон Суприм Мастер ТВ-ийн хамт олон, Сүүлийн дотоод ахуй ойлголтоо хуваалцахыг надад дотроос минь дахин дахин сануулсан билээ.

Өнөө үед би ажиллаж байхдаа, гадуур явахдаа, юм угааж байхдаа ч юм уу... Би үргэлж анхаарлаа төвлөрүүлэн ХАМГИЙН ХҮЧИРХЭГ ГУРАВТ залбирахыг хичээдэг болсон. Шөнөдөө, би маш их ядарсан үедээ ч гэсэн хэвтээ байрлалд Арьяабалын Аргаар бясалгадаг. Дотоод ахуй ойлголтдоо би харанхуй тэнгэрт алтан бадамлянхуа шиг гэрэлтэй боловч илүү өндөр харагддаг биет намайг чиглэн ирж дэлгэсэн гар дээр минь бууж байхыг харав. Энэ бол миний зүрх сэтгэлд гүн амар амгаланг авчирсан үнэхээр Тэнгэрлэг Адислалын Хамгаалалт байсан юм.

Би бүх компьютер болон гэрийн хуучин утаснууд дээрээ Суприм Мастер ТВ Maкс-ыг гаргаж байгаа ч интернэтээ өөрчлөн тохируулсан ч гэлээ холболт олонтоо тасардаг. Холболт тасарсан нэг удаа би маш их сандран бачимдаж нулимс асгаруулан уйлсан. Сөрөг энерги хэт хүчтэй байсан учраас Бурханы Хайрын Хүч жигд тархахыг саатуулж байгааг нь би мэдэж байлаа. Бясалга гэж дотоодод минь хэлэв. Би анхаарлаа төвлөрүүлэхээр нүдээ аниад компьютер дээрх хамгийн Хүчирхэг Өдөр тутмын Залбирлын веб хуудсыг харлаа. Энэ нь хоёр хар хүчний эсрэг тулалдахаар биеийнхээ хагасыг урагш сунгасан Есүсийн дүр байв. Гэнэтхэн би энд байгаа бүх төрөлтнүүдийг ивээж буй Хүчит Хайранд гүнээ талархаж буйгаа мэдрэн, Суприм Мастер ТВ-г Хятад улсад саадгүй гараасай хэмээн чин сэтгэлээсээ залбирлаа. Урьд шөнө интернэт дахин тогтворгүй болсон. Би ХАМГААС ХҮЧИРХЭГ ГУРВЫН Ивээл, Хамгаалалтад бас дахин талархаж, үнэн сэтгэлээсээ залбирч байлаа. Өнөө өглөө болтол би бясалгасан. Тэгтэл хамтрагч муур анд маань намайг сэрээв. Би боссоныхоо дараа утсаа өөр хөтөч рүү шилжүүллээ. Гэнэт би үүнийг үргэлжлүүлэн гаргаж бясалгах боломжтой болсон.

Би дотоод ахуй ойлголтдоо болор хүрээтэй толь шиг зүйлийг олж харсан. Үүний дотор ногоовтор өнгийн хэдэн цагаан үүлтэй өөр нэг тэнгэр байлаа. Тэгээд тойрсон хүрээг нь өнгөрсний дараа эргэн тойронд бүхэлдээ очир алмааз болон цагаан, хөх, нил ягаан өнгийн гялалзсан толинууд байв. Олон Будда, Бодисадва нарын залбиран сууж байсан алтарсан гэрэлт ертөнцийг би харсан. Төв хэсэгт нь том дугуй тавцан дээр, дүр төрхийг нь тод харж чадахааргүй хурцаар гэрэлтсэн нэгэн Будда байлаа. Гэхдээ энэ бол Их Багшийн хувилгаан дүр гэж дотроос минь хэлж өгсөн. Сэрснийхээ дараа миний бие, сэтгэл, сүнс минь бүгд маш ая тухтай байхыг мэдрэв.

Их Багшдаа үнэхээр гялайлаа. Таныгаа бодох болгонд нулимс минь дусалж, сэтгэл минь өвдөх юм. Хятад улсын бүх авшигтнууд залбиран бясалгаж, Суприм Мастер ТВ Maкс-ыг гарган, чадах бүхнээ хийхээр чин сэтгэлээсээ хичээнэ гэж би найдаж байна. Их Багш минь энд заларч буй цагт дэлхий сүйрэхгүй гэдэгт би дотооддоо бат итгэлтэй байна! Их Багшийнхаа бүхий л үйлсэд хамгийн сайн сайхныг хүсье. Хятадаас Вэнь-Ли

Хэрсүү Вэнь-Ли, бидэнтэй сэтгэлийн үгээ хуваалцсанд талархаж байна. Бидний сүсэг бишрэл, залбирал, Арьяабалын бясалгал эргэн тойронд маань байгаа сөрөг энергийг арилгахад тусалдаг гэдгийн сайхан сануулга байна. Бид чин сэтгэлээсээ, үнэхээр оюун санаагаар бясалган дадуулахад Бурхан бидний нарийн төвөгтэй зүйл бүрд анхааран туслах болно. Та болон гайхамшигт Хятад улс Будда нарын хайр халамж, хамгаалалд үргэлж цэцэглэн хөгжих болтугай, Суприм Мастер ТВ-ийн хамт олон

Жич: Их Багш танд энэ хариултыг илгээлээ: “Хөөрхөн Вэнь-Ли, та Хамгийн Хүчирхэг Гуравт үргэлж залбирч, Арьяабалын бясалгалдаа найдан хичээж байгаа тань тун сайн хэрэг. Бид тууштай бясалгалын ачаар сөрөг хүчнээс хамгаалагддаг бөгөөд Бурхан бидний бүх эрхэм залбиралд үргэлж хариу өгдөг. Өдөр бүрийн Арьяабалын бясалгалаас гадна Суприм Мастер ТВ-ийн нандин хэрэгслүүд болон хамгийн Хүчирхэг Өдөр тутмын Залбирлыг ашигласаар байгаарай. Хүмүүсийг веган болоход нь туслаарай, тэгвэл Гэрэл яг одоо манай гараг дээрх сөрөг харанхуй энергийг нэвтлэн гэрэлтэж, ялж чадна. Буддагийн Нигүүлсэл, эцэс төгсгөлгүй Адислалд та болон Хятадын тэвчээртэй сүнснүүд веган дэлхийд дэвжин хөгжих болтугай. Таныг болон танай иргэдийг маш их Хайраараа тэвэрье!”